Link açıqlığı

Salı künü, iyül 22-de, saat 11:00-den soñ, Bağçasarayda «Musafir» qırımtatar qavehanesine maskalı insanlar sürip kirdi ve tintüvlerni keçirmege başladılar.

Bunı Qırım.Aqiqat saytına qırımtatar milliy Meclis reisi muavini Ahtem Çiygoz bildirdi.

«Nasıldır bir teşkerüvler ile maski-şou keldi, teşkerüvni büyük şamata ile keçire ediler, – dedi Çiygoz – Qorquzuv numayışı olmalıdır».

Onıñ sözlerine köre, tünevin bu qavehanede 100 insanlıq iftar olıp keçken edi. Bu kibi tintüvler Bağçasaraynıñ diger qırımtatar qavehanelerinde de keçirildi eken.

«Bu er şey musulmanlar içün muqaddes Ramadan ayında keçirile. İnsanlar teşkerüvler ile degil de, qorquzuv maqsadı ile keleler. Aynı zamanada, iş içün zaruriy vesiqaları olmağan diger obyektler işlerine devam ete, olarğa kimse tiymey. Şunıñ içün bunı tarik olaraq tanıyım», – dedi Çiygoz.

O qayd etti ki, mında Bağçasaray şeer şurasınıñ qırımtatar deputatları keldi, amma iç bir sualge cevap alıp olamadılar.

XS
SM
MD
LG