Qırımnıñ «Orman hocalığı devlet komiteti» yarımadanıñ tabiat-orman obyektleriniñ ziyareti içün para tolemesini ğayrıdan pekitti.
Bunı öz başına ilân etilgen akimiyetke yaqın olğan Krıminform saytına Qırım «Orman hocalığı devlet komiteti»niñ reisi İvan Magda bildirdi.
Onıñ sözlerine köre, Qırımnıñ tabiat obyektleriniñ ziyareti içün para iyül 18 kününden başlap tölenilmeli. Bu para orman hocalığınıñ inkişafına masraf etilecek eken.
«Şimdi yanğın telükesi mevsimidir. Yanğıncı ve qaravullarnıñ keçindirüvi ve yanğın tehnika içün yaqarlıq malzemelerniñ satın alınuvı – er şey orman şirketlerniñ faaliyetiniñ esabatından tolenile», – dey Magda.
Ziyaret fiyatını «orman hocalığı boyunca devlet komiteti» belgiley. «Evel bu kibi faaliyetni iş adamları becere edi. Ve para orman hocalığı inkişafına ketsin dep, keçici müddet devamında faaliyetni orman hocalığı şirketlerine keçirmege qarar alındı», – dedi Magda.
Aprel ayında Magda keçici müddet devamında Qırımnıñ orman qoruğılarınıñ para tölenilmesi alınmaycağını bildirgen edi.
