Mecburen köçip kelgenlerniñ cemaat teşkilâtlarınıñ idare komiteti Ukraina Yuqarı Şurasında işğal etilgen territoriyalarda insan aqları boyunca Vekâletli insan vazifesini teşkil etmege talap eteler.
Bunı Qırım.Aqiqat saytına komitet vekili Оleksandr Boltân bildirdi.
«Çeşit millet vekilleri olğan qırımlılar FSB, politsiya, Qırım halq imayesi kibi strukturalardan zarar köre. Bu insanlar Ukraina tarafından qoruvnı duymay. Bu meseleni işbu vazifeniñ teşkil etilmesi çeze bile», – dey Boltân.
Faaliyetçi tüşüne ki, Qırım ombudsmeni vazifesiniñ teşkil etilmesi yarımada sakinleriniñ aqlarını korçalamağa ve olarnıñ menfaatını halqara teşkilâtlarda taqdim etmege imkân berir.
Yaqın zamanda cemaatçılar deputatlarğa muracaat etip, işbu vazifeniñ peyda etilmesini talap etmek niyetindeler.
