Link açıqlığı

Saatnıñ esas haberi

Qırım müftiyatı: Aqmescitte Cuma caminiñ qurucılığı içun Putinniñ iradesi kerek


Aqmescite Cuma caminiñ quruluvı Rusiye Federatsâisı yolbaşçılığınıñ qolundan başlay bilecek.

Bunı QHA agentligine Qırım musulmanlarınıñ Müftisi muavini Esadullah Bairov bildirdi.

Onıñ sözlerine köre, Cuma caminiñ quruluv meselesi siyasetke bağlıdır, şunıñ içün añlaşmalarğa, teşkerüvlerge baqmadan, quruvnı endi tahminen 10 yıl devamında başlap olamaylar.

«Bu meseleni yüksek seviyede çezmege kerek olur, kene de memleket yolbaşçılığınıñ iradesi ile, çünki bugünki künde mesele siyasetke bağlı olğanı içün, al etilmey. Diger ceetlerden ise bütün añlaşmalar defalarca çezildi, leyhalar azırdır. Yani, Yaltinskaya soqağında camini körmege azırlığını bildirecek yolbaşçılarnıñ iradesi kerek. Bu irade olmağance, mesele nice yıllar devamında çezilmez, – dedi Esadullah Bairov. – Eger de memleketniñ ükümetinden avale olsa, mesele ğayet tez çezilir. Menimce, avaleni memleketniñ prezidenti bermeli. Yerli seviyede bu sualni kimse baqmaycaq, sual pek müimdir».

Qırım Müftisi muavininiñ sözlerine köre, Cuma caminiñ quruluvı qırımtatar halqı içün qanlı yara kibi oldı.

«Milletimizniñ er ekinci suali – Cuma caminiiñ vaziyeti nasıl? Yani bu endi er bir qırımtatarınıñ meselesi oldı. Numayışnı keçirdik – er insandan camige birer taş. Bu numayış insanlarnı cami etrafında topladı. Er bir insan camige birer taş ya da para berdi. Qırımtatarlardan er birisi bu mesele ile yaşamaqta», – dedi o.

Qırım musulmanları ve Aqmescit akimiyeti arasında uzun qarşılıqtan soñ, 2011 senesi Aqmescitte Yaltinskaya soqağı 22 adresi boyunca Cuma caminiñ quruvı aqqında müsbet qarar alındı. Faqat camini alâ daa qurmağa başlamadılar.

XS
SM
MD
LG