Link açıqlığı

Saatnıñ esas haberi

Aqmescit ava limanı Rusiye limanlarından paalı çıqtı


«Aqmescit» ava limanında Rusiye Federatsiyasınıñ limanlarına köre, fiyatlar daa da paalıdır.

Bunı öz başına tayin etilgen akimiyetiniñ ruporı Krıminform saytına Qırımnıñ «baş nazir muavini» Yevgeniya Bavıkina bildirdi.

«Ava limanımız fiyatlar boyunca «birincilikte» tura. Rusiyede eñ paalı cenübiy region saylığan Krasnodar diyarında bile fiyatlar eki qat ücüzdır», – dedi o.

Bavıkinanıñ sözlerine köre, «akimiyet» liman alımlarınıñ eksiltüvini qazanmağa istey.

«Eger de alımlar eki qat yüksek olsa, biletler paalı olğanınıñ sebebini añlaysıñız, qıtada insanlar ise şaşalar: Qırımğa köre, İspaniyağa barmağa daa da qolay olur», – dey «baş nazir muavini».

Agentlikniñ malümatına köre, «Aqmescit» halqara ava limanınıñ yolbaşççılığı 2013 senesi noyabr ayından seferlerniñ hızmetlerine fiyatlarnı eki qat artırdı.

XS
SM
MD
LG