Latviya çetel işler nazirligi İosif Kobzon, Оleg Gazmanov ve yırcı Valeriyağa memleketke kirişni yasaq etti, dep bildire Azatlıq Radiosı.
Latviya çetel işler naziri Edgar Rinkeviçniñ sözlerine köre, Rusiyeniñ medeniyet erbapları «Qırımnıñ işğaline qol tutqanları» ve Ukraina akimiyetiniñ faaliyeti aqqında aytqanları içün «qara cedvelge» tüşti.
Yarın Yurmalada «Novaya volna» adlı populâr muzıkanıñ halqara yarışı başlanacaq. Latviya çetel işler nazirliginiñ başı şunı da qayd etti ki, eger de işbu icracılar endi Latviyada bulunğan olsalar, olarğa memleketni terk etmege rica etecekler.
