Link açıqlığı

Saatnıñ esas haberi

Ali Hamzin: Urıp yıqtırılğan Boing Rusiye ve Ğarpnıñ munasebetlerinde yañı esap noqtası


Meclisniñ tış alâqalar idaresiniñ reberi Ali Hamzinniñ fikirince, Ukrainanıñ cenüp-şarqındaki Malayziya Boinginiñ ficiası Rusiye ve Ğarp arasındaki munasebetlerde yañı esap noqtasıdır.

Bunı Ali Hamzin Qırım.Aqiqatqa bildirdi.

O, Boingniñ rusiyeliler tarafından urıp tüşürilgenini istisna etmey.

«Çeşit memleketlerdeki nezaret etici aletler bunı tasdiqlaylar. 1983 senesi Sovet Birligi Uzaq Şarqta cenübiy korâlılarnıñ tamam bu kibi Boingini yoq etti, o vaqıt sovet küçleri de yapqanlarını boynuna almay ediler, soñra ise, qabaatını tanıdılar. Malayziya Boingi faciası da bunı tekrarlay bile. Amerikanlı Pentagon, Merkeziiy istihbarat idaresi ve digerleri «Buk» türüne ait raketanıñ uçurtqanlarını qayd ettiler», - dedi A.Hamzin.

Aytqanı kibi, bu vaqialar dünyadaki kerginlikni küçleştire bile.

Hatırlatamız, iyül 17 künü saat 16:20 Amsterdam - Kuala-Lumpur seferi boyunca ketken Malaysia Airlines şirketiniñ Boeing-777 uçağı Donetsk vilâyetinde tüşürildi. Fevqulâde vaziyetler boyunca Ukraina devlet hızmetiniñ malümatına köre, uçaqta 298 insan bar edi, şu cümleden 15 eyyet azası.

XS
SM
MD
LG