İyül 15 künü saba erte şeer yolbaşçlığı üzerinde Ukraina bayrağını kötergen Yalta sakinini azat ettiler.
Bunı Yalta «politsiya şeer idaresi» yolbaşçısı muavini, ştabnıñ başıYevgeniy Plengey bildirdi, dep haber ete Qırım.Aqiqat.
Plengeyniñ sözlerine köre, «politsiya» hadimleri iyül 15 künü şeer şurası binasına çıqıp, Rusiye bayrağı yerine Ukraina devlet bayrağını tiklegen adamnı yaqaladılar.
Plengeyniñ sözlerine binayen, adamnı «politsiya» şeer bölügine ketirip, sorğudan keçirdiler.
«Adamnı sorğudan keçirdiler, protokol tizdildi. O, kendi arketini öz vatandaşlıq mevamını bildirmek içün yapqan eken. Sorğudan soñ adamnı evge yolladılap. Şimdi işbu areket içün ceza belgilenmekte», –dedi.
Ukraina bayrağı Yalta üzerinde tahminen 30 daqiqa asıldı. Nevbetteki kün adamnıñ evinde tintüvni keçirdiler.
Prokuratura Yalta sakinini Rusiye Cinaiy kodeksiniñ 329 maddesi boyunca – «Rusiye Federatsiyasınıñ devlet bayrağınıñ aramlanuvı» maddesi boyunca mesülietke çağıracaq ola. Azamiy ceza – bir yıllıq apis cezası.
