Yerli memuriy bina üzerinde Ukraina bayrağını kötergen Yalta sakinini apis cezası bekley. Adamnı yaqaladılar, onı Rusiye Federatsiyasınıñ bayrağını aramlağanında qabaatlaylar.
54 yaşında olğan Yalta sakini Yalta şeer memuriyeti binasınıñ qullesine çıqıp, Rusiye bayrağını Ukraina bayrağınа deñiştirdi. Soñra qulleden sıçrap, ayağı yaralandı. Onı şeer prokuraturasına alıp kettiler, amma adam esini coymğa başlağanda, onı hastahanede qaldırdılar.
Ukraina bayrağı Yalta üzerinde tahminen 30 daqiqa asıldı. Nevbetteki kün adamnıñ evinde tintüvni keçirdiler.
Prokuratura Yalta sakinini Rusiye Cinaiy kodeksiniñ 329 maddesi boyunca – «Rusiye Federatsiyasınıñ devlet bayrağınıñ aramlanuvı» maddesi boyunca mesülietke çağıracaq ola. Azamiy ceza – bir yıllıq apis cezası.
