Link açıqlığı

Kasparov tüşürilgen Boing-777 aqqında: eger de Qırımnıñ işğaline munasebet başqa olsa edi, bu felâket olmaz edi


Rusiye muhalifi, santıraç oyunı boyunca dünyanıñ 13-nci çempionı Garri Kasparov eger de dünya siyasetçileri Ukraina Donetsk vilâyetinde yolcu uçağınıñ felâketinden evel olğan vaqialarğa başqa munasebette bulunsa ediler, işbu qaza olamaz edi dep tüşüne. Şu cümleden, Kasparov Rusiyeniñ Qırım işğalini hatırlattı.

Bunı Kasparov Twitter saifesinde yazdı, dep haber ete Azatlıq Radiosı.

«Daima olğanı kibi, quvetsizlikniñ fiyatı arta. Eger de Qırım işğaline munasebet başqa olsa edi, bazı insanlar ölgen olsa da, bu felâket olmaz edi»,– dey o.

Saat 16.20 Kiyev ve Rostovdaki topraq üstü hızmetleriniñ «Kuala-Lumpur-Amsterdam» ava seferinen bağı üzüldi. Uçaq Donetsk vilâyetiniñ Torez şeeri yanında tüşürildi. Uçaqta 295 insan elâk oldı, olarnıñ arasında eyyetniñ 15 hızmetçisi. Birazdan qurbanlarnıñ sırasına üç qundaq balanı da kirsettiler.

Yolcularnıñ yarısı – 154 insan – Niderlandı vatandaşı ola. Bunıñ ile uçaqta 27 Avstraliya, 23 Malaziya, 11 İndoneziya ve Büyük Britaniya, Almaniya, Belgiya, Fillippinı, Kanada vatandaşı bar edi.

XS
SM
MD
LG