Tünevin Donetsk vilâyetinde tüşürilgen Malaysia Airlines şirketiniñ Boeing 777 uçağınıñ eki yolcusı seferge keç kelip, sağ qaldılar, dep bildire Reuters.
Agentlikniñ malümatına köre, qadın ufaq bala ile Amsterdam ava limanına vaqtında kelip olamadı ve uçaq olarsız uçıp ketti. Jurnalistlerge o, oña ekinci fırsat berilgeni kibi özüni is etkenini bildirdi.
Amsterdamdan Kuala-Lumpurğa uçqan Malaziya şirketiniñ Boeing 777 uçağı iyül 17 künü Ukraina şarqında qazağa oğradı ve Donetsk vilâyetiniñ Torez şeeriniñ civarında tüşürildi. 295 yolcu arasında çoq bala bar edi. Er kes elâk oldı.
Ukraina havfsızlıq hızmeti separatistlerniñ laflarını aşkâr etti. Olar tüşürilgen uçaq aqqında Moskvadaki kuratorına haber ete ediler.
Yolcularnıñ yarısı – 154 insan – Niderlandı vatandaşı ola. Bunıñ ile uçaqta 27 Avstraliya, 23 Malaziya, 11 İndoneziya ve Büyük Britaniya, Almaniya, Belçika, Fillippinı, Kanada vatandaşı bar edi.
