Bir sıra ava şirketleriniñ reberligi Ukraina üzerinde ava seferlerini toqtatmaq qararına keldi. Bunı UNİAN agentligi bildire.
Böylece, şimdilik Ukraina üzerinde uçaqları uçmaycaq ava şirketleriniñ adları aydınlatıldı: Almaniyadaki Lufthansa, Frenkistandaki Air France, Rusiyeli «Aeroflot» ve «Transaero» ve Türkiyedeki Turkish Airlines
Ava şirketleriniñ malümatına köre, Ukraina ava boşluğından keçmemek içün planlaştırılğan ava seferleriniñ yolu deñiştirilecek.
Ukraina içki işler naziriniñ mesleatçısı Anton Geraşçenko Facebook saifesinde bildirdi ki, Torez şeeri üzerinde rusiyeli separatistler «Buk» zenit-raketa tertibatınen qullanıp, Malaysian Airlines şirketiniñ yolcu uçağını tüşürdiler.
Ukraina prezidenti Petro Poroşenko ava qazasını teşkerecek ve ögrenecek devlet komissiyasını meydanğa ketirmek ihtiyacı aqqında ayttı.
