Link açıqlığı

Ukraina Prezidenti Petro Poroşenko arbiy bölüklerni zaruriy şeyler ile temin etkenini ayttı.

Bunı o, terrorizmge qarşı ameliyat zonasında bulunğan arbiy hızmetçileriniñ ana ve qadınları ile körüşüvde ayttı, dep bildirdiler devlet başı matbuat hızmetinde.

Ukraina Prezidenti arbiy hızmetçileriniñ tuvğanlarına oğul ve erkeklerniñ qaramanlığı içün teşekkürlerini bildirdi.

«Olarsız devletimizni qorçalap olamamız. Bugün memleketimizni qoruğanlarnıñ vazifesi ğayet büyüktir», – dedi Petro Poroşenko.

Qadınlar Prezident ile kendi fikirleri ile paylaştılar. Prezident iç bir problemni diqqatsız qaldırmamağa vade etti.

«Köremiz, Siz Ukrainanı sevesiñiz ve erkeklerimiz içün qasevet çekesiñiz, Siz – biz ile», – dedi qadınlardan birisi.

Prezident bugün Ukrainağa qarşı cenk ketkenini qayd etti.

Petro Poroşenko ATO zonasında üç defa olğanını ayttı. Onıñ sözlerine köre, ukrain arbiyleriniñ yardımı ile bir ay içinde ATO zonası üç qat eksildi.

Prezident ateş toqtatuv rejimine eki taraftan da riayet etilmek kerekligini qayd etti.

XS
SM
MD
LG