Link açıqlığı

Matbuat vastaları: Türkiye prokuraturası Qırımğa kirgen seyaat laynerinen oğraşıp başladı


Türkiye prokuraturası Ukrainanıñ tanılmağan Qırım Cumhuriyetiniñ limanlarına kirüv yasağını bozğan Türkiye seyaat layneriniñ işini ögrenip başladı. Bunı Yuqarı Radanıñ VO «Batkivşçina» deputatı Mustafa Cemilev bildirdi, – bildire «Ukrainskiye novosti» agentligi.

Cemilevniñ qayd etkenine köre, o özü bu meseleni ögrendi, ve, onıñ malümatına köre, «Adriana» layneri Türkiye qanunlarını bozdı ve oña qargı cinaiy iş açıldı.

«Bu seyaat laynerini aytacaq oslaq, Türkiye Cumhuriyetiniñ prokuraturası taqiqat keçirecek», – dep ayttı Mustafa Cemilev.

Bundan ğayrı, halq deputatı kütleviy haber vastalarınıñ «Aqmescitt-İstanbul» ava seferi ğayrıdan başlanaca aqqında haberini yañlış dep bildirdi, – dep yaza neşir.

Ukraina halqara gemiler içün Qırımdaki Kezlev, Keriç, Aqyar, Kefe, Yalta ve Aqyar limanlarını qapattı.

2014 senesi martnıñ 16-da Qırımda ve Aqyar şeerinde yarımada statusı aqqında sahte referendum olıp keçti. Onıñ neticesinde Rusiye Qırımnı öz terkibine qabul etti. Ukraina, Avropa Birligi, AQŞ rey berüvni tanımayıp, Qırım Rusiye tarafından işğal etildi degen fikirdeler.

XS
SM
MD
LG