Link açıqlığı

Ukraina konsulı Gennadiy Breskalenko Rusiyede yaqalanğan ukrain arbiy uçucısı Nadejda Savçenko ile körüşti.

Voronej vilâyeti boyunca cezalarnı yerine ketirüv federal hızmetiniñ İdaresi bergen malümatına köre, körüşüv rusiyeli Voronejdeki SİZOda olıp keçti. Ukrain uçucısı anda buluna, – dep haber ete Azatlıq Radiosı.

Nadejda Savçenkonı körmek içün Gennadiy Breskalenkoğa bir qaç kün kerek oldı. Bundan evel doquz kere oña ukrain uçucısınen körüşmege imkân bermediler.

Nadejda Savçenko, zabit-uçucı, terrorizmge qarşı tedbirlerde iştirak etti ve iyün ortalarında Ukraina şarqında separatistler tarafından esir alındı.

Birazdan onıñ Rusiyede apste bulunğanı belli oldı. Anda onı Ukrainağa qanunsız alda kirip, boyeviklerniñ ukrain arbiylerine qarşı ucumlarını aydınlatqan Rusiye jurnalistlerini öldürüvge alâqası bar olğanında qabaatladılar.

Ukraina akimiyeti bildire ki, terroristler Savçenkonı Donbassta esir alıp, Rusiye akimiyetine teslim ettiler. Ukrainada Nadejda Savçenkonı tutıp aluv aqqında cinaiy iş açıldı.

XS
SM
MD
LG