Link açıqlığı

Saatnıñ esas haberi

Qırımtatar halqınıñ lideri Mustafa Cemilev insan aqları boyunca Avropa mahkemesine Qırımnıñ işğalci akimiyeti tarafından oğlunıñ qanunsız qapaluvı boyunca davanı açtırdı.

UNİAN bergen malümatına köre, Cemilevniñ adliyecisi Arkadiy Burşçenko şunı qayd etti ki, olar insan aqları boyunca Avropa mahkemesine acele qararlarnıñ alınuvı ile bağlı şikâyet ile buyurdılar.

«İyül 10 künü insan aqları boyunca Avropa mahkemesi maña bu bölük prezidentiniñ qararları olğanı aqqında bildirüvni yolladı. Yani, Rusiye ve Ukraina zalım munasebetten qoruv ve serbestlik aqlarınıñ saqlanuvı aqqında añlaşmağa riayet etmek kerekligi aqqında avale berildi», – dedi adliyeci..

Arkadiy Burşçenkonıñ sözlerine köre, al-azırda insan aqları boyunca Avropa mahkemesiniñ qararı amelge keçirilmedi ve Mustafa Cemilevniñ oğlu alâ daa apiste buluna.

Evel Mustafa Cemilev oğlu işğal etilgen Qırımda mabüs kibi tutılğanı aqqında bildire edi.

O, eger de Ukraina vatandaşı olğan Hayser Cemilevniñ işi Rusiye qanunlarına köre baqılacaq olsa, insan aqları boyunca Avropa mahkemesine muracaatta bulunacağını qayd ete edi.

Hayser Cemilevni 2013 senesi mayıs 27 künü Bağçasaray evindeki azbarında yaqaladılar. Onıñ elinden 44 yaşında olğan qurucı Fevzi Edemov elâk oldı.

XS
SM
MD
LG