Link açıqlığı

Saatnıñ esas haberi

Matbuat vastaları: Rusiyege qarşı cezalardan sebep Qırımnıñ safari-parkı pingvinlersiz qaldı


İşğal etilgen Qırımnıñ Qarasuvbazar rayonında yerleşken «Taygan» safari-parkı Avropa Birligi tarafından Rusiyege qarşı kirsetilgen cezalardan sebep bir qaç ayvannı satın alıp olamadı, dep yaza «Rossiyskaya gazeta».

«Ayvanlar Avropa Birligi liderleriniñ siyasiy ıntılışlarınıñ qurbanı oldılar. Bizler Çehiya ayvanat bağçalarında eki jirafeni alacaq edik, olar içün mahsus qafesler qurulğan edi, em de pingvin ve diger ayvanlarnı almamız kerek edi. Lâkin eki añlaşma da apansızdan bozuldı. Dvur Kralove ayvanat bağçası jirafeler satılmasından vazgeçti», – dep tarif etti «Taygan» müdiri Oleg Zubkov.

O, emin ki, bunıñ sebebi Rusiyeniñ Qırım işğaline qarşı Avropa Birliginiñ cezaları oldı.

Qayd etmeli ki, Qırım safari-parkınıñ müdiri Rusiye ayvanat bağçalarında ayvanlarnı qolay-qolay satın ala. Neşirniñ yazğanına köre, «Taygan» reberligi üç tülenni satın aldı. Olarnı uçaq vastasınen Qırımğa alıp keldiler.

XS
SM
MD
LG