Link açıqlığı

İşğal etilgen Qırım hastahanelerinde saqlağan gumanitar yardımını tapmağa devam eteler


Gumanitar yardımı ile qanunsız anbarnı N.A. Semaşko adına Qırım cumhuriyet hastahanesinde taptılar, dep haber ete Qırım «akimiyetine» yaqın olğan Krıminform saytı.

«Şimdi hastahanede komissiya çalışa. Gümrük hızmeti anbarnı açtı, onı baqamız», dep bildirdi Qırım sağlıq saqlav «naziri» Ablâmit Ziyadinov.

İyül ayında Qırımğa gumanitar yardım olaraq yollanılğan paalı tibbiy donatmalar ve ilâclar ile anbar Aqmescitteki Qırım cumhurit bala hastahanesiniñ mağazında tapıldı. Gumanitar yükler mağaznıñ beş odasında qalğan edi. Bayağı ilâc qullanuv müddeti yekünlengeninden sebep bozuldı.

XS
SM
MD
LG