Link açıqlığı

İyülnıñ 16-da ADRİANA layneri 14 iyül künü işğal etilgen Aqyarğa kirgen soñ İstanbulğa qayttı. Bunu blackseanews bildire.

«Blackseanews» bildirgenine köre, layner Aqyarğa iyülnıñ 14-de Kiyev vaqtında köre, saat 15.00 keldi em de şu künü saat 20.40 andan ketti.

Onıñ Aqyarğa kirilecegi aqqında evelden haber etilmedi.

«Soñki eki kün içinde ne rus KHV, ne Aqyar KHV Aqyarğa Soçiden kelecek ve soñ İstanbulğa «yani suv qurşavnı bozup» ketecek layner aqqında bir haber olmadı. Yalñız ilerde pasajırlerni İstanbuldan Yalta ve Aqyarğa keçirilecegi aqqında anonslar oldı», - dep yazıla maqalede.

Kruizler sezonı başlanmazdan evel, bu geminiñ rus operatorı Soçi-Novorossiysk – Sevastopol – İstanbul – Yalta – Soçi marşrutını planlaştıra edi.

Ukraina Tış işler nazirligine, Türkiyedeki Ukraine elçiligine ve Ukrainanıñ İstanbuldaki General konsulluğına resmiy muracaat etken soñ layner Aqyarğa kirmesini lâğu etti ve Soçi-Novorossiysk-İstanbul-Yalta-Soçi (yani, İstanbulğa Rusiye territoriyasından kele) marşrutını tayinlediler.

Amma 2014 senesi İyülnıñ 2-den başlap Esen Elita Tur adlı türk şirketi içtimaiy ağlarda Aqyar-İstanbul arasında kruiz seyaatlar aqqında ilân ete edi.

Layner Aqyarğa «gizli» kirgeniñ sebebi bu Türkiyeniñ ve Halqara deñiz teşkilâtnıñ BMT martnıñ 27-de 2014 senesi Ukraina birdemligi aqqında qabul etilgen rezolütsıyasına uymağanına reaktsıyanı körecek oldılar.

ADRİANA layneri Aqyardan çıqqanda Soçige ketecegini bildirdi, lâkin özü İstanbulğa yol aldı, bildire «blakseanews».

İyülnıñ başında Türkiye Tış işler nazirligi Türkiyeniñ transport ve alaqa nazirligini Ukrainanıñ Nazirler Şurasıda 2014 senesi aprelnıñ 30-da Qırımda vaqtınca ava ve deñiz limanlarda 27 keçme punktları qapatılması aqqında qarar alınğanını bildirdi. Bu qararğa binaen Türkiye Tış işler nazirligi Türkiye transport ve alâqa nazirliginden Qırımdan kelgen amma «Ukraina» nişanı olmağan bir transportnı qabul etmemege talap etti.

XS
SM
MD
LG