Link açıqlığı

Endiden başlap Qırımda paromğa nevbetten tış keçmek istegenler içün «yardım alâqaları» çalışacaq.

Bu aqta Qırım «ükümetiniñ» matbuat hızmeti bildire.

Tez bozulğan mahsulatlarnı keçirgen maşınalar nevbetten tış paromğa keçmek içün, ticaret şirketleri evelden Yekâne transport müdirligine (borodinav@tdog.2014.com) bildirmek kerekler ya da «Qırım cumhuriyetiniñ transport ve alâqa cumhur komitetine» (reskomtrans-uap@ukr.net) ariza berip olalar.

Ondan da ğayrı, malümatnı «Yekâne transport müdirligi»niñ dispetçer hızmetlerinden almaq mümkün: +38 (095) 009 70 92, +38 (099) 391-53-63, +38 (0652) 544-232, ya da «Transport ve alâqa cumhur komiteti»nden ala bileler: +38 (0652) 51-81-80

İyül 16-da saat 10-00-ğa port «Kavkaz»da 2500 maşınadan nevbet tizildi, port «Krım»da ise tahminen 400 maşına nevbetini bekley.

Keçitniñ işini qolaylaştırmaq içün qoşma «Dorius» paromı ketirildi.

XS
SM
MD
LG