Link açıqlığı

İyül 16-da saat 10-da Keriç parom keçitindeki «Kavkaz» portunda 2500 maşına nevbetke tizildi, port «Krım»da ise tahminen 400 maşına tura.

Bu aqta Yekâne transport müdirligi bildire.

«Bütün gece 4 parom çalıştı. Eki qoşma demiryol paromı «Annenkov» ve avtomobil paromı «Sevastopol» kündüz de bir qaç reys yapqanlar, lâkin ava vaziyeti sebebinden gece çalışıp olamadılar. Şimdi ava vaziyeti yahşı, 6 parom çalışa», - dep aytıla beyannamede.

Keçken kün devamında paromdan 2500 maşına keçirildi, yekâne bilet vastası ile 3148 pasajır qullandı.

Bundan evel rus transport müdirliginde iyül 1-15 künleri eñ çoq adam ve maşına keçirilecek künlerdir dep bildirildi.

Maşina saiplerine cemaat transportına keçmege tevsiye eteler, çünki olar paromğa birinci sıralarda yüklene.

XS
SM
MD
LG