Almaniya kantsleri Angela Merkel Avropa şurası Ukrainağa qol tutacağını vade etti.
Bu aqta Ukraina Prezidentnıñ matbuat hızmeti Petro Poroşenko ve Angela Merkel arasında olğan telefon vastası ile lafnıñ neticeleri olaraq bildire. Malümat «Радио Свобода»ğa ait.
«Angela Merkel Ukraina meselesi şimdi eñ birinci baqılacaq meselelerniñ sırasında olğanını bildirdi. Onıñ sözlerine köre, iyülnıñ 16-da çarşenbe künü, Avropa şurasınıñ toplaşuvında Ukrainağa «ciddiy qoltutuv» yapılacağında işandırdı», - dep aytıla beyannamede.
Ondan da ğayrı, Ukraina Prezdentniñ matbuat hızmeti Poroşenko Angela Merkelnen qonuşqan zamanı Salı künü devamında «eki kere Uçtaraflı gruppanen video-toplaşuv yapıp olacağını» bildirdi.
Ukraina Prezidenti Almaniya kantslerine o barışıqlıqnıñ tarafdarı olğanını bildrdi, ve öz sözlerine azat etilgen Slavânsk şeeriniñ deral abadanlaştıruvını misal olaraq ketirdi.
İyülnıñ 16-da Avropa şurası Ukraina meseleni muzakere etecek.
