Link açıqlığı

Aqmescitte ukrain bankı yanında eki patlav yüz berdi


Aqmescitteki «Kreşçatik» ukrain bankınıñ binası yanında iyülniñ 15-de, 10 daqqa içinde, eki patlav yüz berdi. Bunı Ukrinform agentligi bildire.

İlk malümatlarğa köre, müessise yanında patlav maddesini yaqında yaşağan sabıq arbiy ekimi qaldırdı, -- dep yaza neşir.

Şimdi müessise binasını qurtarıcı ve arbiyler sarıp aldı, olarnıñ arasında yanğıncı, mahsus bölük hadimleri ve FSb hadimleri bar.

Zarar körgenler aqqında resmiy malümat şimdilik yoq. Vaqianı resmiy şekilde izaatlamaylar. Tasdıqlanmağan malümatqa köre, bir qadın yaralandı.

XS
SM
MD
LG