İstanbuldan işğal etilgen Aqyarğa deñiz yolcu taşımaları başlandı. Qırımlılar ukrain çetel pasportınen faydalana bileler.
Bunı QHA agentligine ESEN ELITA TUR satuv ve marketing reberi Ebazer Şen bildirdi.
Taşımalarnen ESEN ELITA TUR şirketi oğraşa. Bilet fiyatı bir tarafqa 200 dollarnı teşkil ete. Taşımalarda «Adriana» seyahat layneri qullanıla.
İyül başında Türkiye tış işler nazirligi Türkiye naqliyat ve alâqa nazirligini Ukraina Nazirler Şurasınıñ 2014 senesi aprelniñ 30-da qabul etilgen Qırım limanları ve ava limanlarında 27 teşkerüv-kiriş noqtasını vaqtınca qapatmaq qararı aqqında tenbiyeledi. Ukraina Nazirler Şurasınıñ işbu qararından sebep, Türkiye tış işler nazirligi Türkiye naqliyat ve alâqa nazirliginden «Ukraina» qaydı olmağan Qırım gemileri ve diger naqliye vastalarını qabul etmemege talap etti.
