Link açıqlığı

Ukraina Qırım meseleleri boyunca türk ve arap memleketleri ile faal işke başlaycaq.

Bunı Gromadske TV yayınında Qırımtatar Milliy Meclisiniñ reisi Refat Çubarov bildirdi.

«Bizler Ukraina tış işler naziri Klimkin ile körüştik. Körüşüvde bizim türk ve arap memleketleri, musulman memleketlerinen işbirlik faalleştirilmesi muzakere etildi. Bu iş kete. Lâkin mında Ukraina tarafından da büyük iş kerek», dep qayd etti Çubarov.

Onıñ qayd etkenine köre, MİD yolbaşçısı şimdi peyda olğan ve peyda olacaq imkânlarından faydalanmağa ve işbirlik tutmağa azır.

Refat Çubarovnıñ aytqanına köre, İslâm işbirligi ittifağı (OİS) Qırımtatar Milliy Meclisinen beraber Qırımda musulmanlarnıñ aq-uquqlarına riayet etüvni nezaret etecekler.

XS
SM
MD
LG