Link açıqlığı

İyülniñ 28-de, musulmanlarnıñ Ramazan ayı yekünlengen soñ, Aqmescitteki Maryino mikrorayonında Oraza Bayramnı bala bayramı olaraq keçirecekler, dep haber ete QHA.

Bayram teşkilâtçıları «Ayan» diniy cemiyetiniñ qol tutuvı ile Aqmescitniñ student gençleri oldılar.

Tedbir çerçivesinde bala yarışları ötkerilecek ve «Tatlı ses» leyhasınıñ yıldızları çıqışta bulunacaqlar.

Bayram 12 yaşına qadar balalar içün azırlanılacaq. Teşkilâtçılarnıñ qayd etkenine köre, bayram ötkerilecek «Altın yüzük» salonına qadar «Uyan menlik» musulman lagerinde raatlanğan balalarnı ketirecekler.

Oraza Bayram – İslâm taqviminde eki eñ büyük ve müim bayramlarından biridir. Mubarek Ramazan ayı bitkeninen Oraza Bayram qayd etile.

Bayram künü musulmanlar bayram namazına toplaşalar, eñ yahşı urba kiyeler, ananeviy yemekler pişireler, namazdan soñ bayram sofraları donatıla, er kes bir-birini hayırlay, adamlar qomşu, soy-soplarnı ziyaret eteler.

XS
SM
MD
LG