Link açıqlığı

Rusiye Ukraina ile sıñırda ordular sayısını arttıra. Şimdi, NATO malümatına köre, Ukraina sıñırı yanında Rusiye askerleriniñ sayısı 10-12 biñ adamnı teşkil ete.

Bunı malümat agentlikleri NATO üyken vekillerine esaslanıp bildire, dep haber ete Azatlıq Radiosı.

İyün ayınıñ ortalarında Rusiye Ukraina ile sıñırda 40 biñ arbiyinden ekseriyetini çekti. Lâkin bundan soñ kene de Rusiye ordularınıñ sayısı artıp başladı.

«Bizim malümatımızğa köre, al-azırda regionda 10-12 biñ Rusiye arbiyi buluna. Soñki afta devamında bizler sıñırdaki regionda bir qaç bölük areketlerini qayd etken edik», – dep qayd etti NATO memurı.

RNBO kâtibi Andriy Parubiyniñ malümatına köre, al-azırda aman-aman 40 biñ Rusiye askeri Ukraina ile sıñırda buluna.

XS
SM
MD
LG