İşğal etilgen Qırımda Kezlev inkişafınıñ köntseptsiya azırlanmasına bütünrusiye bala şifahanesi, federal derecede, Strategik Teşebbüsler Agentliginiñ qol tutuvı ile başladılar.
Bunı öz başına ilân etilgen Qırım ükümetiniñ «ruporı» Krıminform saytı.
«Kezlev – balalıq çağınıñ şeeri» leyhası boyunca birinci iş toplaşuvı «Qırım kurort ve turizm naziri vazifelerini eda etkenniñ mesleatçısı» Andrey Filonovnıñ teşebbüsi ile Moskvada olıp keçti.
Filonovnıñ aytqanına köre, Strategik Teşebbüsler Agentliginde olıp keçken körüşüv leyhanıñ ameliy azırlanmasına yol berdi.
Qırım işğalinden sebep Ukraina 118 pioner lageri, şu cümleden «Artek» Halqara bala merkezinden marum qaldı. Rusiye akimiyeti onı Rusiye tasil ve ilim Nazirligine boysundırdı.
2014 senesi martnıñ 16-da Qırımda ve Aqyar şeerinde yarımada statusı aqqında sahte referendum olıp keçti. Onıñ neticesinde Rusiye Qırımnı öz terkibine qabul etti. Ukraina, Avropa Birligi, AQŞ rey berüvni tanımayıp, Qırım Rusiye tarafından işğal etildi degen fikirdeler.
