Eski Qırımda yerleşken Şarqiy Avropadaki eski caminiñ 700 yıllığı munasebetinen «Qırımnıñ islâm mirasını ögrenüv ve saqlap qaluv» ilmiy-ameliy konferentsiyasını keçirmege planlaştırıla.
Qırım musulmanları Diniy idaresinde mahsus teşkiliy komitet meydanğa ketirildi.
Konferentsiyanıñ maqsadı islâm ve qırımtatar medeniyetleri yadikârlıqlarını saqlap qaluv problemleri, mimarcılıq ve tarih, şu cümleden Özbek Han Camisine diqqatını celp etmektir.
Halqara konferentsiyanı oktâbr ayında keçirmege planlaştırıla. Tam sanını şimdi aytıp olamaylar. Tedbir 3 kün devam etecektir. Konferentsiyağa Türkiye, Rusiye, Pribaltika ve Avropa mütehassıslarınıñ kelmesi beklenile.
Özbek Han Camisi (XIVv.) – Qırım yarımadasında saqlanıp qalğan eñ eski camilerinden biridir.
