Link açıqlığı

Qırımda Burâtiya ve Çuvaşiya banklarınıñ bölükleri açıldı


«BDB» ve «BaykalBank» iyülniñ 11-den başlap işğal etilgen Qırımda çalışıp başladılar. Kredit teşkilâtlarınıñ ekisi de Aqmescitte birer bölükni açtılar, dep haber ete İTAR-TASS.

Neşirniñ malümatına köre, umumen iyülniñ 11-ne qadar Qırımda 22 Rusiye bankınıñ 423 bölügi çalışa.

RNKB bank ağı eñ büyüktir – tahminen üç yüz bölük. Regionda Krayinvestbank, Genbank, Cast Bank, «Pervomayskiy» bankı, KB «Rublev», VladiKomBank, FİA-Bank, Severnıy kredit, AB «Rossiya», Mast-bank, Kuban Kredit, Finansovıy standart, Ruskobank, «Verhnevoljskiy» bankı, Agroinkobank, Smartbank, AKB «Smoleviç», AB «Taatta», ÇBRR ve «Morsköy» bankı çalışalar.

«Biznes biznes içün» (BDB) ticaret bankı 1990 senesi Çuvaşiya cumhuriyetinde meydanğa ketirildi. Aktivler miqdarına köre bank Rusiye kredit teşkilâtlarınıñ yedinci yüzüne kire. «BaykalBank» 1993 senesi Burâtiya Cumhuriyetiniñ Ulan-Ude şeerinde meydanğa ketirilgen edi. Aktivler miqdarına köre bank Rusiye kredit teşkilâtlarınıñ üçünci yüzüne kire, dep haber ete neşir.

2014 senesi martnıñ 16-da Qırımda ve Aqyar şeerinde yarımada statusı aqqında sahte referendum olıp keçti. Onıñ neticesinde Rusiye Qırımnı öz terkibine qabul etti. Ukraina, Avropa Birligi, AQŞ rey berüvni tanımayıp, Qırım Rusiye tarafından işğal etildi degen fikirdeler.

XS
SM
MD
LG