Ukrainanıñ eñ yuqarı akimiyeti Herson vilâyetini Qırım ile birleştirip, Geniçesk şeerini muhtariyetniñ memuriy merkezi olaraq ilân etmege istey.
Bunı Qırım.Aqiqatqa Meclisniñ tış alâqalar bölüginiñ reberi ali Hamzin bildirdi.
«Bu leyhanı ömürge keçirmege istegen adamlar, kelecekni tüşüneler. Bunıñ episi kerçekleşse, bu muhtariyet halqara cemaatçılığı tarafından tanılacaqtır. Anda ilk evelâ Özbekistan ve Türkiyeden vatandaşlarımızğa yerleşmege teklif etip olurmız», - dedi Hamzin.
Qayd etkeni kibi, «Rusiye bir taraflı şekilde Qırımnı qoştı» ve ukrain leyhası buña cevap olacaqtır.
Faqat Hamzin şunı da qayd etti: «Bunıñ episi, qırımtatar halqı meselelerniñ çezilmegegeniniñ neticesidir. 1992 senesi Bişkek añlaşmalarnıñ çerçivesinde Ukrainağa Qırımda qırımtatarlarnıñ meselelerni çezmege yardım etken olsa ediler, şimdiki vaqıtta bir çoq keskin meseleler ögümizde turmaz edi».
Bügnki künde Herson vilâyetinde 10 biñden ziyade qırımtatarı yaşay.
