Birden aytıp qoyayım, menim közetkenime köre, buzı endi irip başladı…İyül – rus baari ve ukrain küziniñ ortasıdır. Meni quvandırğan çoq şey peyda olıp başladı.
İyün ayında bayraq ve ukrain milliy örneklernen bezetilgen maşinamnı şeerde pek siyrek külümsirep qarşılay ediler. Şimdi ise, künde 5-6 kere kimdir qolunı sallay, aydavcılar yol bereler, signal etip, tebessüm bağışlaylar. Eki kün evelsi maşinamı yuvdım (eki yerde yuvam). Aqşam keldim. Endi qapala ediler. Amma, maşinamnı körip kene de qapularnı açtılar. Maşina yuvğan yigit, bu kibi dülber avtomobilni seve-seve yuvacağını söyledi.
Tünevin ev yanımda maşinanı yuvdım. Maşinanı alğanda, oğlan paranı aldı ve ilâve etti: «Torpedanı sizge yahşı etip sıypap aldıq, sizniñ bayraqlarıñız içün teşekkurler bildiremiz. Bagajnikni de içinden yuvıp aldıq, dülber örnekleriñiz içün sağ oluñız». Nasıl memnün oldım, bilesizmi.
Aqşam ise, «Fozzi»ge keldim. Bizim, ukrain mahsulatlarnı aldıq. Halq – rıqma-rıq toldı. Maşinanı qoymağa yer yoq. Çünki mında, yañı ruslar da siyasiy baqışlarına baqmadan mal satın alalar. Rus maşnaları da çoq tura. Şu vatanperverler de ukrain tükânında alış-veriş yapalar.
Men yemek mahsulatlarnı alıp, maşinama yaqınlaştım. Üstünde bir kâğıtçıq bar edi. «Niayet, Sizniñ maşinañıznı kördim! Yaşasın Ukraina! M.». Etrafqa baqtım, bir kimse yoq edi, quvana-quvana evge qayttım.
Evelden Rusiyege işanıp, amma delermegen adamlar, şimdiki vaqıtta, rus turmuşınıñ bütün «güzelliklerini» is etip başladılar. Memnün olmağan ve aldanğan adamlarnıñ sayısı kün-künden arta. Amma, Putinge yürekten berilgen soylarnıñ sayısı deñişmey qala. Lâkin, başqalarğa baqqanda olar daa az körüneler. Noyabr ayına qadar ise, asıl sayılı adam qalacaq.
Liza Bogutski, Qırımdan ukrainli, etnik rus jidobanderovka
«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün