Link açıqlığı

Meclis reisi Refat Çubarovnıñ Qırımğa kirişiniñ yasağı meselesini Qırım «ombudsmeni» Lüdmila Lubina baqacaq.

«Oña kirişni kim ve nasıl yasaq etti, bilmeyim. Nevbetteki sessiyada ant etip, vazifege başlasam, mıtlaqa bu meselenen oğraşacam», – dedi Lubina, BBC Ukrainağa esaslanıp, haber ete Tsentr jurnalistskih rassledovaniy.

O şunı da qayd etti ki, qırımtatarlarnıñ lideri, Ukraina halq deputatı Mustafa Cemilevge seslendirilgen yasağını da baqacaq ola eken.

Hatırlatamız, mayıs 3 künü Mustafa Cemilevni Qırımğa kirsetmediler. Bu sebepten qırımtatarlar Ermeni Bazarda narazılıq numayışnı keçirdiler.

Birazdan Qırım «prokurorı» Natalya Poklonskaya Meclis reisi Refat Çubarovğa «ekstremist faaliyetiniñ yasaq olğanı» aqqında tenbiye seslendirdi. Buña riayet etilmese, Meclis tarqatılacaq ve onıñ faaliyeti yasaq olacaq edi. Bundan soñ narazılıq numayışınıñ iştirakçilerine nisbeten mahkemeler keçirildi, neticede insanlar para cezalarına oğradı.

İyül 5 künü Herson vilâyetinde keçirilgen Meclis toplaşuvından qaytqan Refat Çubarovnı Qırımğa kirsetmediler.

XS
SM
MD
LG