Rusiye Birleşken milletler teşkilâtınıñ Havfsızlıq Şurasında Ukrainadaki vaziyet aqqında rezolütsiyanı tasdıqlamaq ıntılışlarını toqtatmay.
Eki muvafaqiyetsiz ıntıluvdan soñ Rusiye eyyeti Havfsızlıq Şurasınıñ azalarına Ukraina boyunca yañı rezolütsiya içün «esas qısımlarnı» yolladı, dep haber ete Ukrinform.
BMT Rusiyeniñ daimiy temsilcisi Vitaliy Çurkinniñ bildirgenine köre, «Havfsızlıq Şurasınıñ azaları Rusiye Ukraina şarqındaki vaziyetke nezaret altından çıqmağa imkân berip olamağanını añlaycaqlarına ümüt etmek kerek ve buña irişmek kerek».
O, Poroşenkonıñ barışıq planını «ceza operatsiyasınıñ» quvetleştirilmesi içün «tuman perdesi» dep adladı.
Çurkin Rusiye tarafından soñki aftaları teklif etilgen Ukraina boyunca eki rezolütsiya leyhasınıñ BMT Havfsızlıq Şurası tarafından tanılmağanına şikâyet etti.
