Link açıqlığı

Şkirâk: adamlar Ukraina şarqında azat etilgen şeerlerge qaytıp keleler


Slavânsk, Kramatorsk, Artömovsk ve Drujkovka ealisiniñ ekseriyeti ukrain arbiylerini alğışlay. Bunı Ukraina içki işler naziriniñ mesleatçısı Zorân Şkirâk bildirdi.

«Bizim içün bu ğayet müimdir. Anda yaşağan adamlarnıñ üç çeşiti bar: birincisi – aqiqiy ukrain vatanperverleri, ekincisi – az olsa da, Rusiyege qol tutqan vatandaşlar. Üçünci gruppa DNR ya da Novorossiya kibi şeylerden közleri qaytqan adamlardan ibarettir», dep bildirdi Şkirâk.

Onıñ aytqanına köre, Slavânsk, Artömovsk, Kramatorsk ve Drujkovkanıñ azat etilgen mesken yerleri yavaş-yavaş normal yaşayışqa qaytalar.

Ukraina şarqında terroristlerden azat etilgen şeerlerniñ ğayrıdan tiklenmesi aqqında Ukraina içki işler naziriniñ mesleatçısı Zorân Şkirâk Ukraina İçki işler nazirligindeki brifingde bildirdi.

«Slavânsk ve Kramatorsk yavaş-yavaş normal yaşayışqa qaytalar. Şeerlerge onlarnen gumanitar yük ketirildi. Adamlar tuvğan şeerine keri qaytalar, olar boyeviklerden azat etilmesine quvanalar ve bugünki akimiyetke qol tutmağa azırlar», dep ayttı Şkirâk.

Onıñ qayd etkenine köre, Slavânsknıñ 6 mikrorayonında elektrik teminlevi ğayrıdan tiklenildi. Sakinler içtimaiy ödevlerni elde eteler, migratsion hızmeti ve nefaqa fondu çalışıp başladılar. Vesiqalarnı ğayrıdan azırlap başladılar.

XS
SM
MD
LG