Ukraina içki işler nazirligi iyülniñ 11-de kündüz Slavânsknıñ sabıq şeer yolbaşçısı Nellâ Ştepa yaqalanğanı aqqında malümatnı derc etti.
Şimdi yaqalanğan memurnı Harkov vilâyetiniñ SBU idaresine protsessual tedbirler keçirilmesi içün alıp keteler.
Berilgen malümatqa köre, Nellâ Ştepa Ukraina Cinaiy kodeksiniñ 110-uncı maddesi 2-nci qısmına ait areketler (Ukraina topraq bütünligi ve mustaqilligine zarar ketirüv) yapılmasında şeklene.
Bundan ğayrı, Nellâ Ştepanıñ Slavânsk ve Slavânsk rayonında silâlı boyevikler ve terroristik gruppalarnıñ faaliyetine qol tutuvı ögrenile.
