Qırımtatar Milliy Meclisi qırımtatar halqı Qurultayınıñ Herson vilâyetinde ötkermek imkânlarını baqacaq. Bunı Meclis reisiniñ muavini Nariman Celâl Qırım.Aqiqat saytına bildirdi.
Onıñ aytqanına köre, bunıñ kibi fikirler olğan edi, ve qırımtatar halqı temsil organınıñ eñ yaqın toplaşuvında muzakere etilecek.
Böyleliknen, Meclis Kâtibiyetiniñ reberi Dilâver Akiyev «qırımtatarlarnıñ lideri Mustafa Cemilev ve Meclis reisi Refat Çubarov» Qurultayda iştirak etsin dep, böyle teklifni seslendirdi. Bunı o özü Qırım.Aqiqat saytına bildirdi.
Yaqın şarq tedqiqler Merkeziniñ müdiri İgor Semivolosnıñ fikirince, Qurultay sessiyası Herson vilâyetinde keçirilse, Meclis qabul etken qararı tasdıqlana bile. Lâkin böyle vaziyette qırımtatar halqınıñ temsil organını yasaq ete bileler, çünki işğalciler onı nezaret etip olamazlar.
Meclisniñ yaqında olıp keçken toplaşuvında Qurultay meselesi kün tertibinde bar, lâkin onıñ vaqtı ve sanını belgilemek kerek, dep aytılğan edi. Meclis öz vekillerini Qırım «akimiyetine» yollamaq qararını lâğu etti.
