Link açıqlığı

Saatnıñ esas haberi

Rusiyeniñ «Rodina» firqası Qırımnıñ «Devlet Şurasına» Meşkov ve Kolesniçenkonıñ namzetlerini teklif etti


«Rodina» adlı bütünrusiye firqanıñ regional bölügi Qırımnıñ «Devlet Şurası» saylâvlarında iştirak etecek namzetlerni belgiledi. Olarnıñ arasında Qırımnıñ birinci prezidentı Yüriy Meşkov. Bunı «Krıminform» bildire.

Belli olğanı kibi, «Rodina» firqasınıñ saylâv cedveli 69 kişiden ibaret. Olardan 15 namzet majoritar olaraq saylâvda iştirak etecek ola.

Saylâv cedveliniñ başında Ukrainanıñ sabıq halq deputatı Vadim Kolesniçenko buluna. Cedvelde ekincisi şimdiki «Devlet Şuranıñ» deputatı, «Novıy Svet» şarap zavodnıñ müdiri Yanina Pavlenko. Birinci on namzet arasında Aleksandr Melnik, Vladimir Osipenko, Vladimir Meşkov, Valeriy İvanov ve Konstantin Knırik.

Bu firqadan saylâvlarda iştirak etecekler arasında Yaltanıñ sabıq şeer yolbaşçısı Aleksey Boyarçuk, sabıq deputat, «Tayğan» safari-parkınıñ saibi Oleg Zubkov, Qırım depuptatı Aleksandr Râbkov, sabıq deputat ve «Tavriya» futbol klubınıñ sabıq müdiri Ruvim Aronov.

Qırımnıñ «Devlet Şurası» saylâvları sentâbrnıñ 14-de keçecek. Qırımda 25 bir mandatlı saylâv bölgesi olacaq.

XS
SM
MD
LG