Ukraina halq deputatı Оleg Lâşko Yuqarı Radada qanun leyhasını qayd etti, onda Vladimir Putinniñ istilâsını açıqtan – açıq desteklegen 518 rusiyeli medeniyet erbabına Ukrainanı ziyaret etmege yasaq etile.
Bunı o Facebook-ta yazdı.
«Ukrainağa qarşı alıp barılğan istilâ ve Qırımnıñ işğalini desteklegen 518 medeniyet erbabı Rusiye vatandaşına Ukrainanı ziyaret etmekni yasaqlamağa talap etem. Bu aqta qanun leyhası Yuqarı Radada qayd etildi», – dep yazdı halq vekili.
Mart 16 künü 2014 senesi Qırım ve Aqyarda «referendum» keçirildi, onıñ neticelerine köre, Rusiye Qırımnı kendi terkibine qoştı. Ukraina, Avropa birligi, AQŞ bu rey berüvni tanımayıp, Rusiye Qırımnı işğal etti, dep sayalar.
