Rusiye Federatsiyası insan aqları boyunca prezident Şurasınıñ azası Aleksandr Verhovskiy, Qırım «prokurorı» Natalya Poklonskaya Meclisni qabaatlağan maddelerniñ iç biri ekstremizm olmağanını qayd etti.
Bunı o «Kоmmersant» neşirine bergen intervyüsında bildirdi. .
Añlatqanı kibi, estremizm añlamı «Ekstremistik faaliyetine qarşı küreş» Rusiye qanunlarınıñ birinci maqalesinde berile.
«Misal içün, qanun boyunca «Rusiyeniñ qurumnı mecbur deñiştirgen ve bütünligini bozğan areketler etremizm sayıla», amma, Meclis tek muhtariyetke ıntılğanını bildirgen edi», - dedi ekspert.
«Vatandaşlarğa saylavlarda «küç qullanıp ya da qorquzuvlar ile» iştirak etmege keder etmek estremizmdir, amma, saylavlarğa barmamağa çağıruvlarnı iç bir kimse yasaq etmedi», — qayd etti Verhovskiy.
Aynı zamanda, grajdanlar qanunları boyunca Devlet dumasınıñ komitet reisiPavel Kraşennikov, «adliyeci olaraq» Poklonskayanıñ beyannamelerni izaat etmege red etti, malümatnı teşkermek kerek olğanını bildirdi.
Deputat ayırıca şunı qayd etti:Poklonskaya yaqında «prokuror» vazifesine tayin etilgen edi, o rusilei qanunları esasında terbiyelenmedi, onıñ içün onıñ beyannamayelerine biraz «yımşaq baqmaq kerek».
İyül 5 künü Herson vilâyetinde ötkerilgen Meclis toplaşuvından qaytqan Refat Çubarovnı yarımadağa yibermediler. «Çongar» kiriş yerinde Qırım «prokurorı» Natalya Poklonskaya oña «ekstremistik faaliyeti» aqqında tenbiyelevni oqudı. Ve 5 yılğa kelmekni yasaq etken bildirmeni tuttırdı. Bunen beraber, Meclis de ekstremistik teşkilât olaraq tanılması mümkünligi ayttı.
