Link açıqlığı

Rusiyeniñ eñ uzaq köyleri seçimsiz qalğanları ya da Qırım sakininiñ bitasına ziyareti aqqında ikâye


Irina Osiik

Menim qomşum «Qırımbizimki», «Eyiki,bizde atmaylar», «Buyalıñızvaqtınca sürecek» ve ilâhre, ilâhre, ilâhre ğayelerniñ tarafdarıdır.

«Referendumdan» soñ öyle quvandı ki: «İra, nasıl bayram olğanı, er kes biri-birini hayırlağanını, quvanğanını körse ediñ!» Soñra, men az qaldı esimi coyacaq sözler yañğıradı: «Er şey sovet ükümetinde kibi edi…», - dep, menim quvanmağanımnı körip taaciplendi.

«Kelecegimiz o qadar parlaq olacaq! Aylıqlarnı köterirler! Balalarımız Rusiyede oqup olurlar! Ebet. Moskva ve Piterge biletler ucuz olacaq! Putin aqay sözüni berdi, men oña inanam! Endiden, tizeme Piterge qızımnen baracam, özüm barğan parağa! Başından Krasnodar ülkesine qaynanama, soñ Piterge!» – iç tınçlanmay qomşum laqırdı ete berdi.

Başta paromnen, soñ uçaqnen ketecek edi. Qızı, mektep mezunı bu yolculıqnı büyük isteknen bekley edi. Men atta, suqlandım – genç, dülber, Piter, beyaz geceler…er şey da ögde…Ah!

Biraz vaqıt keçken soñ,yolğa azırlandılar, amma Piterni endi añmay ediler, tek qartanağa baracaq oldılar (ucuz biletler yoq eken). Paromnı da hatırlamay ediler (kim ister satlernen nevbette turmağa). Trennen ketmege qarar aldılar…Ukrainanı keçip ketecek oldılar.

Yaş qız endi çoq quvanmay edi, men şaştım- qartanası da!

Qaytıp kelgenden soñ, er şey añlaşıldı. Qartanasını pek seve eken, amma onı keçenleri körgen edi. Ve yaşlar içün eglenceli merkezler olmayıp, yekâne kuvançları içkicilik olğan köyge barmağa istegi yoq edi. Men buña pek taciplendim, bu ufaq "bandera" köyçigi degil de, şeerge yaqın olğan büyük qasaba edi!

Faqat men diger şeyge daa çoq şaştım, qartanası yaşağan qasabada İNTERNET yoq eken.

Bu ise, yaş nesil içün caillikniñ bir timsalidir!

Yani tek qartnıñ evinde degil de, asılında iç bir soqaqta, iç bir evde yoq! Ne telefon, ne kabel, ne de mobil telefonlardaki internet yoq…

İnternet olğan eñ yaqın köy qayda dep sorasam, qız şeerde olmalı, dep cevaplandı, çünki qomşu köylerde de internet bağı yoq. Yani, Rusiye köylerinde yekâne malümat qaynağı televizordır! (belki er yerde degil) Bu adamlar diger qaynaqlardan marum qaldılar.

Ve bu kibi köyler çoqtır. Olarğa aqiqatnı kim aytar? Qomşumnıñ bu ikâyesi sayesinde, malümatsız qalğan rusiyelilerni acıdım ve atta, özümcesine aqladım.

O qadar bahtsız olğanlarını bilmegen, bahtlı insanlar!

İrina Оsiik, ukrain pasportı olğan qırımlı

«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün

XS
SM
MD
LG