Link açıqlığı

İşsiz qırımlılarnı Keriç köprüni qurmağa yollaycaqlar


Qırım «emek ve içtimaiy qoruv Nazirligi» Zenaat tasili Cumhuriyet merkezine Keriç-Kuban köpür qurucılığında kerek olacaq zenaatlarnı belgilep, oña köre işsiz qırımlılarnı ögretmege avale etti.

Bunı Federatsiya Şurasınıñ içtimaiy siyaset komitetiniñ reisi Valeriy Râzanskiy ile onlayn-konferentsiyasında Qırım «emek ve içtimaiy qoruv naziri» Yelena Romanovskaya bildirdi, dep haber ete KİA.

Onıñ fikirince, köpür qurucılığı Qırımda işsizlik derecesini eksilte bile, çünki yañı iş yerleri olacaq.

Keriç boğazından qurulacaq köpürnen oğraşacaq şirketler yarışı daa yekünlenmedi. Malüm ki, mında Rusiye, İtaliya ve Qıtay şirketleri namzet köstergen ediler.

XS
SM
MD
LG