Link açıqlığı

Saatnıñ esas haberi

Ukraina Adliye Nazirligi Qırım «akimiyetiniñ» Meclisni qapatmaq qorquzuvlarnı soyqırım kibi adladı


Qırımnıñ öz başına tayin etilgen akimiyetniñ qırımtatar halqı Meclisiniñ dağıtuvı aqqında qorquzuvları soyqırım ve adliye, insan aqlarınıñ bozuluvıdır.

UNİAN bildirgeni kibi, bunı Ukraina adliye naziri Pavel Petrenko Qırımdda insan aqları mevzusına bağışlanğan brifing devamında söyledi.

«Ukraina Arbiy Küçleriniñ hadimi öldürgeni, qırımtatar erkegi çekiştirilip, öldürilgeni, mühbirniñ ğayıp oluvı aqqında haberlerni oquğanda, atta, (Qırım işğalinden) ketirilgen zarar ekinci derecege keçe. Bu kibi şeyler pek tesirlidir….bu insafsız bir davranış, Almaniya faşistleri yapqan kibi cinayettir ve bu istilânı başlağan Rusiyeniñ ayırı memurlarına qarşı ayırı mahkeme işlerniñ açılmasına sebepçi olmalı», - qayd etti Petrenko.

Bundan evel, Ukraina Adliye nazirliginde, halqara cemaatçılığı iç bir zaman Qırımnıñ Rusiye Federatsiyasına aitligini qabul etmez, dep bildirilgen edi. Ve uquq qorçalayıcı teşkilâtlar ile birlikte adаletni tiklemek içün qolundan kelgenini qayd etken ediler.

Petrenko emin, Meclis reisi Refat Çubarovğa Qırımğa kelmek yasağı da insan aqları boyunca Avropa mahkemesinde baqılacaq.

İyül 5 künü Herson vilâyetinde ötkerilgen Meclis toplaşuvından qaytqan Refat Çubarovnı yarımadağa yibermediler. «Çongar» kiriş yerinde Qırım «prokurorı» Natalya Poklonskaya oña «ekstremistik faaliyeti» aqqında tenbiyelevni oqudı. Ve 5 yılğa kelmekni yasaq etken bildirmeni tuttırdı. Bunen beraber, Meclis de ekstremistik teşkilât olaraq tanılması mümkünligi ayttı.

XS
SM
MD
LG