Link açıqlığı

Adlie naziri: Çubarovnıñ Qırımğa kiriş yasağı insan aqları boyunca Avropa mahkemesinde baqılacaq


Refat Çubarov

İnsan aqları boyunca Avropa mahkemesinde Qırımtatar Milliy Meclisiniñ reisi Refat Çubarovnıñ Qırımğa kiriş yasağı baqılacaq. Bunı Ukraina adalet nazirligi Pavlo Petrenko bildirdi, dep haber ete Azatlıq Radiosı.

Onıñ aytqanına köre, qırımtatarlarğa nisbeten insaniyetlikke uymağan munasebet Halqara cinaiy mahkemesine berilecek «Rusiye akimiyetiniñ vekillerine qarşı» muracaatnıñ sebebi olacaqtır.

İyülniñ 5-de Herson vilâyetinde olıp keçken Meclis toplaşuvından qaytqan Refat Çubarovnı Qırımğa kirsetmediler. «Çonğar» kiriş noqtasında «Qırım» prokurorı Natalya Poklonskaya oña «ekstremiz faaliyeti» aqqında tenbiyelevni seslendirdi. Meclis reisine beş yıl devamında Qırımğa kelmege yasaq etildi.

XS
SM
MD
LG