İyülniñ 10-na qadar Jitomir vilâyetinde 1176 mecburen köçip kelgen insannı, şu cümleden 832 Donetsk ve Lugansk sakini, 344 – qırımlını qabul ettiler.
Olardan 368 kişi musafirhane, şifahanede yaşay, qalğanları 808 insan soy-sop ve tuvğanlarınıñ evlerinde yerleşti.
Sağlıq saqlav departamentiniñ müdiri Aleksandr Torbas bildirdi ki, 180 insan tibbiy yardım soradı.
Bundan evel işğal etilgen Qırım ve üç aydan berli Rusiye boyevikleri tarafından çekiştirilgen Donetskten mecburen köçip kelgenler içün ükümet saytı çalışıp başladı.
Ukraina baş prokuraturasında Qırımda vatandaşlar aq-uquqlarınıñ qorumasınen oğraşacaq idare meydanğa ketirildi.
