Link açıqlığı

Qırımlı bir erkekni içtimaiy ağlardaki natsizm teşviqatı sebebinden mahkeme etecekler


Qırım «prokurorı» Natalya Poklonskaya Saq rayonınıñ 30 yaşında sakinine qarşı açılğan natsizm teşviqatı aqqında cinaiy işniñ qabaat qararını tasdıqladı.

Bunı Qırım prokuraturasınıñ matbuat hızmeti bildire.

Qabaatlanğan kişi «milletçi-radikal baqışlarınıñ tarafdarı olıp», «Vkontakte» içtimaiy ağındaki şahsiy saifesinde diger millet vekillerine nisbeten nefret ve duşmanlıq olmasına sebep ola bilgen malümatlar, em de natsizm timsallerini yerleştirdi, dep bildire matbuat hızmeti.

Prokuraturada berilgen malümatqa köre, bunıñ kibi areketler Rusiye Federatsiyası Cinaiy Kodeksiniñ 282-nci maddesi 1-inci qısımında qayd etilgen cinayet – nefret ya da duşmanlıqqa yol berüv – yaptı.

Cinaiy iş mahkemege yollanıldı.

XS
SM
MD
LG