Aqyar uquq qoruyıcı organları maymun ucumından zarar körip can bergen ufaq balanıñ ölümini ögrene.
Bunı Aqyar boyunca Taqiqat komitetindeki Taqiqat idaresiniñ matbuat hızmeti bildire.
Hızmetniñ malümatına köre, 2014 senesi iyülniñ 9-da aqşam Aqyardaki Nahimov rayonınıñ Kaça qasabasında 65 yaşında yerli sakinniñ ufaq ayvanat bağçasından qafesten maymun qaçıp ketti.
«Ayvan qomşu eviniñ bala arabasında bir buçuq aylıq bala yuqlağan azbarına kirdi. Maymun oğlançıqqa ücüm etip, onı öldürdi», – denile beyanatta.
Vaqia yerinde taqiqat-operativ gruppası çalışa. Şimdi maymunnı tuttılar.
Cinaiy işniñ taqiqatı devam etmekte.
