Link açıqlığı

Cumaaqşamı, iyül 10 künü, Aqmescitniñ çoq qatlı evlerinden birisi tutaştı. Yanğın Balaklavskaya soqağı 99 adresi boyunca yerleşken evniñ yedinci qatında olğan dairede yüz berdi.

Vaqia yerine bir yanğın taqımı, Fevqulâde vaziyetler boyunca nazirlikniñ hadimleri keldi. Yanğınnı bir saat devamında söndüre ediler. Bu vaqıt içersinde ev sakinlerini tahliye ettiler.

Qırım.Aqiqat mühbirine ev sakini aytqanı kibi, bazı insanlarğa ateş söndürilgence binada qalmağa rica etildi. Qorqqan insanlar azbarğa çıqmağa istese de, avalege riayet etmege mecbur ediler.

Fevqulâde vaziyetler boyunca nazirlikniñ hadimleri Qırım.Aqiqatqa yanğınnıñ sebebi kirağa berilgen kvartiradaki bilgisayar olğanını bildirdi. Yanğın vaqıtta daire saipleri evde yoq edi.

Ateşniñ söndürilgeni sebebinden, evniñ kiriş ayatı ve birinci qatqa qadar kvartiralar suvğa toldı.

XS
SM
MD
LG