Link açıqlığı

Qırımnıñ öz başına tayin etilgen baş-naziri Sergey Aksönovnıñ mesleatçsı, Rustam Temirgaliyev, sentâbr ayında Qırım Devlet şurasına deputat olaraq saylanmağa istemey.

Bunı o Facebookta yazdı.

«Soñki vaqıtları eñ çoq berilgen sual: «Siz Qırım Devlet şurasına ötkerilecek saylavlarda iştirak eteceksizmi ve qaysı firqa adından?». Yoq, dostlar, iştirak etmeycem. Menim başqa niyetim bar – men icraiy akimiyet organlarında çalışıp, daa çoq fayda ketiririm. Mart 16 künü referendumdan soñ, Qırım Rusiye Federatsiyasına qoşulğanınen, menim siyasiy mevamım daa çoq añlayışlı oldı – RUSİYE!»,- yazdı Temirgaliyev.

Qırım işğal etilgen soñ, Rustam Temirgaliyev Qırım «baş naziri muavini» vazifesini aldı. Amma, çoqqa sürmeden, iyün 11 künü «parlament», Temirgaliyevnni istifası aqqında arizasını qabul etti. O vaqıt Qırımlı siyasetşınas Aleksandr Formançuk qayd etkeni kibi, Temirgaliyevniñ istifası Rusiyedeki kadrlar ile bağlı siyasetnen bağlı.

Keçenlerde, içtimaiy ağlarda Temirgaliyevni apiske almaları mümkünligi aqqında malümat tarqağan edi, amma o, bu öşeklerni red etti.

XS
SM
MD
LG