Link açıqlığı

Meclis reisi Refat Çubarov ve milliy lider Mustafa Cemilevge yarımadağa kelmege yasaq etken qararnı ğayrıdan baqa bileler. Amma, öz başına tayin etilgen baş nazir Sergey Aksönovnıñ fikirince, şimdilik bunıñ içün sebep yoq.

«Bilesizmi, ihtiyac olsa, ve eyi neticeler berecegini körsek, bu cümleden munasebetlerimizniñ eyileşüvini añlasaq ömürimizde er şeyni ğayrıdan baqa bilemiz», - dedi o.

Amma, qırımtatar liderleri mevamını deñiştirmeseler, buña ümüt etmesinler, qayd etti Aksönov.

«Şimdilik biz Mustafa Cemilevniñ mevamını deñiştirmegenini köremiz, o bütünley ğarpnıñ, hususan amerikalı mahsus hızmetlerine boysuna. Oña belli bir vazifeler berildi. Menimce, bizge mında diversantlar kerek degil, onıñ içün faaliyetlerini alıp barmağa istegen yerde, Ukrainada añlağanım kibi, devam ettirsinler», — dep qayd etti o.

Qırımnıñ şimdiki akimiyeti Herson vilâyeti Geniçsek qasabasında ötkerilgen toplaşuvdan soñ qaytqaan Meclis reisi Refat Çubarovnı yarımadağa yibermediler. Oña 5 yıl içinde kelmege yasaq ettiler.

Bundan soñ, Qırım «baş naziri» mühbirlerge aytqanı kibi, bu yasaqlav Çubarovnıñ faaliyeti «yarımadada milletlerara zıddiyetke ketire bileceginen» bağlı.

Sürgünlik künü arfesinde bu kibi yasaqlavnı milliy lider Mustafa Cemilev elde etti.

XS
SM
MD
LG